Charta qua Wicherannus, consentiente filio suo Hugone, dat monasterio Cluniacensi mansum indominicatum cum vinea in villa Alta Via.
In Christi nomine. Ego Wicherannus dono Deo et sanctis apostolis Petro et Paulo, ad locum Cluniacum, pro remedio animę meę vel parentum meorum, aliquid ex rebus meis quę sunt sitę in pago Eduense, in villa Alta Via vocatur: hoc est unus mansus indominicatus cum vinea simul tenente, et omnia quę ad ipsum aspiciunt vel aspicere videntur: hoc sunt campi, silvę, prata, aquę aquarumque decursus, omnia in omnibus, quesitum ad inquirendum. Qui autem contradixerit, auri uncias II componat, et inantea firma et stabilis permaneat, stipulatione subnixa. Actum Matiscono puplicæ. S. Wicheranni, qui donavit et firmare rogavit. S. Ugonis, filii ejus. S. Leterii. S. Bernardi. S. Giroldi. S. Raculfi. S. Flotberti. S. Seuveni. S. Badili. S. Arnulfi. S. Bavonis. S. Girardi. S. Rotdulfi. Data per manum Rotdulfi levitę, VIII kalendas augusti, anno IIII Hugonis regis.